अत्तरिया – कैलालीको गौरीगंगा नगरपालिका– ८ स्थित लिक्मा खोलामा डुबेर एक बालकको मृत्यु भएको छ ।
आइतबार साथीहरूसँगै खोलामा नुहाउन गएका बेला नदीमा डुबेर स्थानीय गणेशबहादुर धामीका १२ वर्षीय छोरा सलीम धामीको मृत्यु भएको हो ।
इलाका प्रहरी कार्यालय मालाखेतीका प्रमुख प्रहरी नायब उपरीक्षक(डिएसपी) हिरासिंह महराका अनुसार नदीमा डुबेर बेहोस अवस्थामा पानीबाट निकालिएका बालकको उपचारका क्रममा स्थानीय केबी सौगात पोलिक्लिनिकमा लागिएकोमा उनको मृत्यु भएको थियो ।
बालक नदीमा डुबेको जानकारी स्थानीयबाट पाएपछि इलाका प्रहरी कार्यालय मसुरियाबाट प्रहरी टोली घटनास्थलमा पुगेको थियो । घटनाबारे थप अनुसन्धान भइरहेको प्रहरीले जनाएको छ ।
