धनगढी – कैलालीको कैलारी गाउँपालिका–५ स्थित पवेरा सामुदायिक वनबाट प्रहरीले बेवारिसे अवस्थामा रहेको एक थान भरुवा बन्दुक बरामद गरेको छ।
बुधबार बेलुका गोप्य सूचनाका आधारमा जिल्ला प्रहरी कार्यालय कैलालीबाट खटिएको प्रहरी टोलीले वन क्षेत्रमा लुकाइछिपाइ राखिएको अवस्थामा एकनाले भरुवा बन्दुक फेला पारी बरामद गरेको हो।
बरामद गरिएको बन्दुक कसले र किन वन क्षेत्रमा लुकाएको भन्ने विषयमा प्रहरीले अनुसन्धान अघि बढाएको जनाएको छ। प्रहरीले घटनाबारे थप अनुसन्धान भइरहेको जानकारी दिएको छ।
