दार्चुला– दार्चुलामा एक जना निर्वाचन प्रहरीको मृत्यु भएको छ । जिल्लाको लेकम गाउँपालिका– २ का ४० वर्षिय प्रकाश धामीको भीरबाट लडेर मृत्यु भएको हो ।
निर्वाचन सकेर घर फर्किने क्रममा भीरबाट लडेर गम्भीर घाइते भएका धामीको उपचारका क्रममा सेती प्रादेशिक अस्पताल, धनगढीमा मृत्यु भएको जिल्ला प्रहरी कार्यालयका प्रहरी निरीक्षक एवं सूचना अधिकारी हेमराज भट्टले जानकारी दिए ।
बिहीबार घर फर्किने क्रममा धामी लेकम गाउँपालिका–१ मा भीरबाट लडेर घाइते भएका थिए । उनलाई धनगढी लगिएकामा उपचारका क्रममा शुक्रबार मृत्यु भएको जिल्ला प्रहरी कार्यालयले जनाएको छ ।
