काठमाडौं – हमासले जीवित रहेका सबै २० बन्धकलाई रेडक्रसको जिम्मा लगाएको छ । हमासले पहिलो चरणमा सात जना र दोस्रो चरणमा १३ बन्धक रेडक्रसको जिम्मा लगाएको हो ।
बीबीसीका अनुसार, दोस्रो चरणमा जिम्मा लगाइएका १३ बन्धक अहिले इजरायल जाँदै छन् ।
इजरायली सेनाले पहिलो चरणमा जिम्मा लगाइएका बन्धकको तस्बिर सार्वजनिक गरेको छ ।
हमासले आज बिहानमात्र रिहा गरिने २० बन्धकको सूची सार्वजनिक गरेको थियो । जसमा नेपालका विपीन जोशीको नाम समावेश थिएन ।
द टाइम्स अफ इजरालयका अनुसार, अब हमाससँग कुनै जीवित बन्धक छैनन् ।
