अत्तरिया– कैलालीको हरैयामा रहेको दुर्गा भवानी माध्यमिक विद्यालयमा वित्तिय साक्षरता कार्यक्रम आयोजना गरिएको छ । नेपाल लघुवित्त बैंकर्स संघ समन्वय समिति कैलालीले बिहिबार विद्यालयमा उक्त कार्यक्रम आयोजना गरेको हो ।
विगत १ वर्ष देखि बिभिन्न कार्यक्रम गर्दै आईरहेको समन्वय समितिले स्थानीय स्तरका बालबालिकाहरुलाई बित्तिय जानकारी प्रदान गर्नका लागि कार्यक्रम आयोजना गरेको बताएको छ ।
स्थानिय स्तरको सरकारी बिद्यालयमा कक्षा १० मा पढिरहेका बिधयार्थीहरुलाई बचत, बैङ्क तथा बित्तिय संस्थाको बारेमा जानकारी, लघुवित्त, लघु बचत, लघु कर्जा लगायत का बिषयमा जानकारी र चेतना वृद्धि गर्ने कार्यक्रमको उद्देश्य रहेको अत्तरियामा रहेको सुर्योदय बोमी लघुवित्त वित्तिय संस्था लिमिटेडका शाखा प्रबन्धक दिपक महराले बताए । उनले समितिका विभिन्न १० वटा लघुवित्तहरु आवद्ध रहेको बताए ।
उनका अनुसार सुर्योदय बोमी, नेशनल, एनएमबी, आशा, निर्धन उत्थान, नाडेप, महिला, कालिका, हिमालयन र नेरुडे मिर्मिरे लघुवित्तहरु समन्वय समितिमा आवद्ध रहेका छन । कार्यक्रममा ४० जना विद्यार्थीहरुको सहभागिता रहेको उनले बताए । सहभागि विद्यार्थीहरुलाई बचतको महत्व, भबिस्यको योजना बनाउनका लागी सहयोग तथा फजुल खर्च कटौती गर्नुपर्ने लगायतका विषयमा पनि जानकारी दिईएको उनको भनाई छ ।
सहभागीहरुलाई नेशनल लघुवित्त वित्तिय संस्था, एनएमबी लघुवित्त वित्तिय संस्था र सुर्योदय बोमी लघुवित्त वित्तिय संस्थाका शाखा प्रबन्धकहरुले वित्तिय साक्षरता सम्बन्धी जानकारीहरु दिएका थिए ।
