नातिनिको पुण्यतिथिमा सुप समावेशी स्कुललाई सहयोग

अत्तरिया– कैलालीको अत्तरियामा रहेको सुप समावेशी आधारभुत विद्यालयलाई सहयोग गरिएको छ । बिहिबार गोदावरी नगरपालिका– १ बनखेत निवासी रामबहादुर कुँवरले विद्यालयलाई खाद्यान्न, फलफुल तथा स्टेशनरी सहयोग गरेका हुन ।

विद्यालयमा अध्ययनरत अपांगता भएका बालबालिकाहरुका लागि आफूले सो सहयोग गरेको कुँवरले बताए । उनले आफ्नी नातिनि ४ वर्षिया कायरा कुँवरको ५औँ दिनको पुण्यतिथिका अवसरमा विद्यालयलाई सहयोग गरेको बताए । ‘मेरो एउटै नातिनिलाई मैले अकस्मात गुमाउनुप¥यो’ उनले भने ‘उसैको सम्झनास्वरुप विद्यालयमा रहेका अपांगता भएका बालबालिकाहरुका लागि विभिन्न सामग्रीहरु सहयोग गरेको हुँ ।’

अत्तरियाकै लोटस आई अंग्रेजी माध्यमिक विद्यालयमा कक्षा नर्सरीबाट भरखरै उत्तिर्ण भएकी कायराको यही वैशाख ६ गते अकस्मात निधन भएको थियो । अकस्मात विरामी भएकी उनलाई उपचारका क्रममा धनगढी पु¥याइएपनि अस्पतालमै उनको निधन भएको कुँवरले बताए । एउटै छोराको एउटै सन्तानको रुपमा जन्मिएकी कायराको अकस्मात निधन भएपछि परिवार अहिले शोकमा छ । कायराको सम्झनामा कुँवरले चामल, स्टेशनरी, फलफुल लगायतक करिब ६ हजार बराबरका सामग्रीहरु विद्यालयलाई सहयोग गरेका हुन ।