थाइल्याण्डमा बस दुर्घटना हुँदा १८ जनाको मृत्यु

बैङ्कक – थाइल्याण्डको बैङ्ककमा बुधबार एउटा बस दुर्घटना हुँदा १८ जनाको मृत्यु भएको प्रहरीले जनाएको छ ।

राजधानी बैङ्ककको पूर्वमा रहेको प्राचीन बुरी प्रान्तमा स्थानीय सरकारी अधिकारीहरूलाई लिएर फिल्ड ट्रिपमा गएका तीनवटा डबल डेकर बसमध्ये दुर्घटना भएको बस एउटा थियो।

‘दुर्घटनामा १७ जनाको घटनास्थलमा मृत्यु भएको छ भने एक जनाको अस्पतालमा उपचारका क्रममा मृत्यु भएको स्थानीय प्रहरीले जनाएको छ ।

बस दुर्घटना हुँदा बसमा ४९ जना सवार रहेको र घाइतेहरूलाई उपचारका लागि दुई वटा अस्पतालमा लगिएको छ ।