बैतडी – बैतडीमा भीरबाट लडेर एक किशोरीको मृत्यु भएको छ । पुर्चौंडी नगरपालिका–५ दहतोली,परगैराकी १७ बर्षीया रश्मी बोहराको बुधबार भीरबाट लडेर मृत्यु भएको हो ।
घर नजिकैको गलेखी भीरमा बाख्रा चराउन गएकी बोहरा चिप्लेर लडेकी थिइन् । भीरबाट झण्डै ५० मिटर तल खसेकी उनको घटनास्थलमै मृत्यु भएको भूमीराज मावि गहताडका निमित्त प्रधानाध्यापक अशोकबहादुर कुँवरले बताए ।
बोहरा भूमीराज मावि गहताडमा कक्षा १० मा अध्ययनरत थिइन् ।
