काठमाडौँ- राष्ट्रिय परीक्षा बोर्डले कक्षा १२ को ग्रेडवृद्धि (पूरक) परीक्षाको नतिजा सार्वजनिक गरेको छ । नतिजा अनुसार कुल परीक्षार्थीको ७५.४५ प्रतिशतले मात्र ग्रेडवृद्धि प्राप्त गरेका छन् ।
ग्रेडवृद्धि परीक्षामा एक लाख १७ हजार ८८२ परीक्षार्थी सहभागी थिए । ती मध्ये ८८ हजार ९४७ जनाले ग्रेडवृद्धि प्राप्त गरेका र १५ जना विद्यार्थीको परीक्षा रद्द गरिएको बोर्डले जनाएको छ । गत असोज ९ र १० गते ग्रेडवृद्धि परीक्षा भएको थियो ।