बझाङ – बझाङमा आफ्नै होटलमा एक महिलाले झुन्डिएर आत्महत्या गरेकी छन् ।
जिल्लाको मष्टा गाउँपालिका–२ खिकाला घर भएकी ३४ वर्षीया कमला ओखेडा (कुगै) ले जयपृथ्वी नगरपालिका–१० चैनपुरस्थित आफ्नै होटेलमा डोरीको पाशो लगाएर शनिबार दिउँसो आत्महत्या गरेको जिल्ला प्रहरी कार्यालय बझाङले जनाएको छ ।
प्रहरीका अनुसार मृतक ओखेडाले आत्महत्या गरेको कारण नखुलेको र शव पोष्टमार्टमका लागि जिल्ला अस्पताल सिमखेत लगिएको जिल्ला प्रहरी कार्यालय बझाङले जनाएको छ ।
घटनाको थप अनुसन्धान भइरहेको समेत जनाएको छ ।
