काठमाडौं – नेकपा (एमाले) का नेता डा. भिम रावललाई केन्द्रिय सल्लाहकार परिषद् सदस्यको जिम्मेवारी दिईएको छ ।
एमालेको १० औ महाधिवेशनमा अध्यक्ष केपी शर्मा ओली सँग पराजित भएका रावललाई केन्द्रिय सल्लाहकार परिषद् सदस्यको जिम्मवारी दिईएको हो ।
चुनावमा पराजित भएपछि जिम्मेवारीबिहीन भएका रावलले केन्द्रीय सदस्यमा नबस्ने बताएपछि उनलाई सल्लाहकारमा राखिएको एमालेका महासचिव शंकर पोखरेलले बताए ।
उनले थप जिम्मेवारीका लागि अध्यक्ष ओली र डा. रावलको परामर्शबमोजिम हुने स्पष्ट गरे । पार्टीको गत मङ्सिर २५ र २६ गतेको केन्द्रीय कमिटीको दोस्रो बैठकले सल्लाहकार परिषद्को सल्लाहकारमा अमृतकुमार बोहरालाई चयन गरेको थियो ।
सो पार्टीको दशौँ राष्ट्रिय महाधिवेशनपछिका केन्द्रीय कमिटीको बैठकका निर्णयमा रावलको जिम्मेवारी पनि परेको जनाइएको छ । अछामबाट प्रतिनिधिसभामा निर्वाचित डा. रावलले आफू पार्टीमै रहने र यहाँभित्र देखिएका कमजोरी सुधार्न लागि पर्ने जनाउँदै आएका छन ।
गत मङ्सिर १० देखि १४ गतेसम्म चितवनमा भएको महाधिवेशनमा सर्वसम्मत नेतृत्व प्रस्तावअन्तर्गत उपाध्यक्ष पदमा निरन्तरता दिन बन्दसत्रमा अध्यक्ष ओलीले गरेको प्रस्तावमा डा. रावल तयार नभएपछि निर्वाचन भएको थियो ।
