नेपाली कांग्रेसको गगन थापा समूहलाई आधिकारिकता दिने निर्वाचन आयोगको निर्णयविरुद्ध निवर्तमान सभापति शेरबहादुर देउवा समूहले सर्वोच्च अदालतमा रिट दर्ता गरेको छ। उक्त रिटको पेसी यही माघ ६ गतेका लागि तोकिएको छ।
देउवा पक्षका कार्यवाहक सभापति पूर्णबहादुर खड्काले रिट दर्ता गराएका हुन्।
देउवा समूहको शनिबार बसेको केन्द्रीय कार्यसमिति बैठकले गगन थापा समूहलाई आधिकारिकता दिने निर्वाचन आयोगको निर्णयविरुद्ध राजनीतिक र कानुनी रूपमा प्रतिवाद गर्ने निर्णय गरेको थियो।
आयोगले विशेष महाधिवेशनबाट गगन थापाको नेतृत्वमा पार्टीको कार्यसमिति चयनलाई आधिकारिकता प्रदान गरेपछि कांग्रेसमा आधिकारिकताको विवाद चुलिएको छ।
