बैतडी– बैतडीकी भागरथी साउँद ३ दिनदेखी बेपत्ता भएकी छिन । जिल्लाको सिगास गाउँपालिका–४ सिराडीकी २७ वर्षीया भागरथी यही साउन १५ गतेदेखी बेपत्ता भएकी हुन ।
साउन १५ गते राति नगद र लत्ताकपडासहित घरबाट निस्किएकी उनी हालसम्म सम्पर्कमा नआएको भागरथीका भतिजा चन्द्रसिँह साउँदले जानकारी दिए ।
भागरथीका श्रीमान रोजगारीको सिलसिलामा हाल भारतमा रहेका छन् । भागरथीको खोजी कार्य भैरहेको प्रहरीले जनाएको छ । सिगासकै वडा न.४ रक्सौन माइतीघर भएकी भागरथी माइतमा पनि नरहेको बताइएको छ । भागरथीको घरमा तिन छोरी र एक छोरा रहेका छन् ।
