दार्चुला – दार्चुलामा ६ महिनाको अवधिमा ४० जना बेपत्ता भएका छन् । जिल्ला प्रहरी कार्यालय दार्चुलाको तथ्याङ्क अनुसार चालु आर्थिक बर्षका पछिल्ला ६ महिनामा ४० जना घरपरिवारबाट सम्पर्क बिहिन भएका हुन् ।
४० जना मध्ये प्रहरीले २३ जनालाई खोजेर परिवार वा आफन्तको जिम्मा लगाएको छ, भने १७ जना अझै पनि सम्पर्कमा आउन नसकेको जिल्ला प्रहरी कार्यालय दार्चुलाका प्रहरी निरीक्षक तथा सूचना अधिकारी कान्तीराज जोशीले जानकारी दिए ।
बेपत्ता १७ जनाको अहिले पनि प्रहरीले खोजी गरिरहेको उनले बताए ।
