अत्तरिया- दार्चुलामा झण्डै ढाई लाख नगदसहित ८ जुवाडे पक्राउ परेका छन् । मालिकार्जुन गाउँपालिका-४ ऐरीछानास्थित २५ वर्षका किसन सिंह धामीको घरबाट जुवातास खेलिरहेको अवस्थामा धामीसहित ८ जना पक्राउ परेका हुन् ।
आइतबार साँझ जिल्ला प्रहरी कार्यालय दार्चुलाबाट खटिएको प्रहरी टोलीले नगद २ लाख ३२ हजार ३७० रुपैयाँ र तीन गड्डी ताससहित पक्राउ गरेको जनाएको छ । प्रहरीले यस सम्बन्धमा थप अनुसन्धान भइरहेको जनाएको छ ।
