दार्चुला – दार्चुलामा हाईस दुर्घटना हुँदा ५ जना घाइते भएका छन । शैल्यशिखर नगरपालिका–९ नकतड चेक पोष्ट नजिकै शनिवार हाईस पल्टिएर दुर्घटना हुँदा ५ जना घाइते भएका हुन ।
घाईते हुनेमा शैल्यशिखर–६ पनेबाजकी १४ वर्षीया जस्मीना धामी, वडा नम्बर–७ देवथलीका ८० वर्षीय बिष्णुदत्त जोशी, १० वर्षीय हिमान्सु जोशी, कञ्चनपुर बेदकोट नगरपालिका–७ बस्ने ४० वर्षीया बसन्ती बिष्ट र सहचालक कैलालीको बर्दगोरीयाका २२ वर्षीय रोहित स्वाँर रहेका छन ।
दार्चुलाको सदरमुकाम खंलगाबाट महेन्द्रनगर तर्फ आउँदै गरेको बा ५ ख ५२६५ नम्बरको हाईस ब्रेक फेल भएर दुर्घटना भएको जिल्ला प्रहरी कार्यालय दार्चुलाले जनाएको छ । हाइसमा १७ जना सवार रहेकोमा अन्य सकुशल रहेको प्रहरीको भनाइ छ । घाईतेहरुको गोकुलेश्वरको मालिकार्जुन अस्पतालमा उपचार भइरहेको छ ।
