अत्तरिया– कैलालीको अत्तरियामा रहेको दुर्गालक्ष्मी बहुमुखी क्याम्पसमा शुभकामना आदान प्रदान कार्यक्रम आयोजना गरिएको छ । क्याम्पसको स्वतन्त्र विद्यार्थी युनियन (स्ववियु) ले नजिकिदै गरेको नेपालीहरुको महान पर्व दशै, तिहार र छठ पर्वका अवसरमा शुभकामना आदान प्रदान कार्यक्रम आयोजना गरेको हो ।
क्याम्पसका स्ववियु सभापति भुवन महराको सभापतित्वमा आयोजित कार्यक्रमका प्रमुख अतिथि अत्तरियामा रहेको प्रतिभा पुस्तकालयका अध्यक्ष पुष्पराज जोशी रहेका थिए ।
कार्यक्रममा क्याम्पस प्रमुख डा. नरेन्द्र ऐर, निर्वतमान क्याम्पस प्रमुख डा. डम्बर बहादुर पाल, पुर्व स्ववियु सभापति योगेश भट्ट लगायतका क्याम्पसका प्राध्यापक एवम् विद्यार्थीहरुको सहभागिता रहेको थियो ।
