सुखड – कैलालीको घोडाघोडी नगरपालिकाका ३ वटा विद्यालयको आधारभूत तह शिक्षा परीक्षा (कक्षा ८) को नतिजा शुन्य आएको छ । नगरले शुक्रबार सार्वजनिक गरेको नतिजा अनुसार परिक्षामा सहभागी ४७ विद्यालयमध्ये ३ वटा विद्यालयको नतिजा शुन्य आएको हो ।
जसमा विराट सनातन धर्म सांस्कृतिक विद्यापाठ माध्यमिक विद्यालय घोडाघोडी, गंगरी आधारभूत विद्यालय बगुलिया र राष्ट्रिय माध्यमिक विद्यालय नकफोडुवा रहेका छन् । उक्त विद्यालयबाट परिक्षामा सहभागी कुनै पनि विद्यार्थी उत्तिर्ण नभएको नगरपालिकाका शिक्षा शाखा प्रमुख खगेन्द्र बहादुर सिंहले जानकारी दिए ।
उनका अनुसार सामुदायिक र संस्थागत गरी कुल ४७ वटा विद्यालयका करिब २ हजार ३९ जना विद्यार्थी परीक्षामा सामेल भएका थिए । उनीहरू मध्ये ६ सय ४९ जना उत्तिर्ण भएको बताईएको छ ।
