बझाङ – लगातारको वर्षाले पहिरो जाँदा बझाङमा एकै परिवारका १८ सहित २३ जना बेपत्ता भएका छन् ।
जिल्लाको थलारा गाँउपालिका वडा नं ४ डिख्लामा मंगलबार पहिरो जादा सोही ठाउँका गगने सार्कीका एकै घरका १८ जना र नरे पार्कीका घरका ५ जना गरी २३ जना बेपत्ता भएका हुन ।
गाँउ पहिरोको जोखिममा रहेपछि सयभन्दा बढी परिवार विस्थापित भई आफन्त र नजिकैको विद्यालयमा बसिरहेका शान्ती मा.वि पाराकाट्नेका शिक्षक मदन बहादुर साउँदले बताए ।
यस्तै गाँउभन्दा माथि ढोगदिना भन्ने ठाँउबाट पहिरो जाँदा दुई गाँउका ७ घर पुरिएका छन् । बाढीले सडक अवरुद्ध भएको र नेटवर्क नहुँदा समयमै खबर नपाएकोले उद्धारमा समस्या भइरहेको जिल्ला प्रहरी कार्यालय बझाङका प्रमुख डिएसपी रुपक खड्काले बताए ।
