धनगढी– धनगढीमा हुने सिप तथा रोजगार मेलाको मिति सरेको छ । माघ २२ गतेबाट हुने भनिएको मेलाको मिति सरेर फागुन ८ गतेबाट हुने भएको हो ।
एक महिनासम्म चल्ने सिप तथा रोजगार मेलाको मिति सरेको धनगढी उपमहानगरपालिकाका रोजगार संयोजक चन्द्र महराले बताए । उनले विभिन्न प्राविधिक कारणले मेला सरेर फागुन ८ देखि चैत ८ गतेसम्म चल्ने बताए ।
युवा जनशक्तिलाई आन्तरिक श्रम बजारमा ल्याउने उद्देश्यले सिप तथा रोजगार मेला आयोजना गर्न लागिएको उपमहानगरपालिकाले जनाएको छ ।
