बैतडी– जेठानीले काठको चिर्पटले हिर्काउँदा बैतडीमा एक महिलाको मृत्यु भएको छ । जिल्लाको डिलाशैनी गाउँपालिका– २ छेपट्टाकी २५ वर्षिया सुनिता बोहरालाई उनकै जेठानी ३० वर्षिया दिपा बोहराले टाउँकोमा चिर्पट हिर्काएर हत्या गरेको प्रहरीले जनाएको छ ।
प्रहरीका अनुसार सोमबार राती ८ बजेको समयमा घरायसी विवादका कारण दिपाले सुनिताको टाउकोमा चिर्पटले हिर्काउदा सुनिताको घटनास्थलमै मृत्यु भएको थियो ।
घटनालगत्तै इलाका प्रहरी कार्यालय पाटनबाट प्रहरी निरीक्षक राजेन्द्र साउँदको नेतृत्वमा प्रहरी टोली घटनास्थलमा खटिएको छ ।
चिर्पटले हानेर देवरानीको हत्या गर्ने दिपालाई प्रहरीले नियन्त्रणमा लिइसकेको जिल्ला प्रहरी कार्यालय बैतडीका प्रवक्ता प्रहरी निरीक्षक बलराम पाण्डेयले जानकारी दिए । घटनाका बिषयमा अनुसन्धान भइरहेको उनले बताए ।