धनगढी ग्रासरुट क्रिकेट विकास कार्यक्रमको खेलकुद मन्त्री श्रेष्ठद्वारा औपचारिक उद्घाटन

धनगढी – धनगढी उप–महानगरपालिकाको सहकार्यमा गो ड्रिमर्सद्वारा सञ्चालित ‘धनगढी ग्रासरुट क्रिकेट विकास कार्यक्रम’ को उद्घाटन गरिएको छ । मङ्गलवार नेपाल सरकारका युवा तथा खेलकुद मन्त्री बिराज भक्त श्रेष्ठले उक्त कार्यक्रमको उद्घाटन गरेका हुन् ।

maya metro hospital

धनगढी–१८ फूलबारी स्थित चन्द्रोदय मा.वि.मा आयोजित उक्त कार्यक्रममा नेपाल सरकारका युवा तथा खेलकुद मन्त्री श्रेष्ठ, धनगढी उप–महानगरपालिकाका मेयर गोपाल हमाल र गो ड्रिमर्सका अध्यक्ष सुवास शाहीले धनगढी ग्रासरुट क्रिकेट विकास कार्यक्रमको आधिकारिक जर्सी सार्वजनिक गर्दै खेलाडीहरू लाई हस्तान्तरण समेत गरेका छन् ।

यो कार्यक्रम पहिलो चरण अन्तरगत धनगढी उप–महानगरपालिकाका दुई वटा सामुदायिक विद्यालयमा सञ्चालन हुदै आईरहेको छ । उपमहानगरपालिकाको वडा नंं. १८ स्थित चन्द्रोदय मा.वि. फूलबारी र वडा नं. १२ स्थित सिद्धनाथ मा.वि. जुगेडा मा २०८० माघ देखी दुई जना प्रशिक्षकले प्रशिक्षण गर्दै आइरहेको भए पनि केही ढिला गरी औपचारिक उद्घाटन गरिएको हो । मन्त्री र मेयरको संयुक्त टोलीले दुई ओटै विद्यालयमा क्रिकेट प्रशिक्षण स्थलको अनुगमन पनि गरेका थिए ।

attariya hospital

कार्यक्रममा बोल्दै धनगढी उप–महानगरपालिकाका मेयर हमालले सरकारी विद्यालयहरूमा शैक्षिक गुणस्तर खस्की रहेको परिपेक्षमा ग्रामीण भेगका विद्यालयहरूको शैक्षिक गुणस्तर सुधार सँगै अतिरिक्त सिकाइमा पनि अब्बल बनाउन यो कार्यक्रम लागु गरिएको बताए । उनले अहिले दुई विद्यालयमा मात्रै सञ्चालन गरिए पनि आगामी दिनहरूमा अन्य नमुना विद्यालयहरूमा समेत सञ्चालन गर्ने तयारी रहेको हुँदा युवा तथा खेलकुद मन्त्रालयले सहयोग गर्नु पर्नेमा जोड दिए ।

यस्तै, प्रमुख अतिथि समेत रहेका युवा तथा खेलकुद मन्त्री श्रेष्ठले १५ वर्ष पछि खेलाडी उत्पादन गर्नलाई दूर दृष्टि राखेकोमा धनगढी उप–महानगरपालिकाका मेयर हमालको प्रशंसा गरे । उनले मन्त्रालयले गर्नुपर्ने जुनसुकै प्रकारको सहयोग गर्न तयार रहेको भन्दै प्रतिबद्धता व्यक्त गरे । ‘१० देखी १५ वर्ष पछि उत्पादन हुने खेलाडीको लागी अहिलेबाट सोच्नु ठुलो कुरा हो’ उनले भने ‘सुदूरपश्चिम धनगढी पहिले देखी नै खेलाडी उत्पादन गर्दै आइरहेको छ, देशको लागी । मन्त्रालयको तर्फबाट प्रशंसा गर्दछु र आवश्यक सम्पूर्ण सहयोग गर्ने छु’ मन्त्री श्रेष्ठले भने ।

त्यस्तै, गो ड्रिमर्सका अध्यक्ष सुवास शाहीले धनगढीका सामुदायिक विद्यालयहरूमा यो कार्यक्रम सञ्चालन गर्न प्रोत्साहन र सहयोग गर्ने सबैप्रति धन्यवाद ज्ञापन गरे । उनले कार्यक्रमबाट निकट भविष्यमा नेपाललाई प्रतिनिधित्व गर्ने थुप्रै मेहनती तथा अनुशासित खेलाडी उत्पादन हुनेमा विश्वास व्यक्त गरे । उक्त उद्घाटन कार्यक्रममा विद्यालयका अन्य विद्यार्थी तथा अभिभावकहरू, शिक्षक, क्यानका का पदाधिकारी व्यवस्थापन समिति अध्यक्ष, वडा अध्यक्ष धनगढी उपमहानगरपालिका का कर्मचारी लगायत क्रिकेट प्रेमीहरूको उपस्थिति रहेको थियो ।

प्रतिक्रिया दिनुहोस

Your email address will not be published.