अत्तरिया- कैलालीमा प्रहरीले एक हल गोरुसहित अवैध सामान फेला पारेको छ । जिल्लाका विभिन्न स्थानमा अवैध सामान फेला पारेको हो ।
धनगढी उपमहानगरपालिका-१ शान्तिनगर, धनगढी-२ ट्राफिक चौराह नजिक, धनगढी-३ बडारा र टीकापुर नगरपालिका-७ बेलुवा चोकबाट अवैध रुपमा भारतबाट भन्सार छली ल्याएका अन्दाजी २ लाख ५९ हजार ९३० मूल्य बराबरको प्याज, चिनी, सुटपिस, सिद्रा माछा, तरभुजा, एक हल गोरु र डल्लब लगायतका सामान जिल्ला प्रहरी कार्यालय कैलाली तथा मातहत कार्यालयबाट खटिएको गस्ती टोलीले फेला पारी नियन्त्रणमा लिएको बताएको छ ।