अत्तरिया- कैलालीमा गोरु गाडामा ल्याउँदै गरेको अवस्थामा अवैध काठ बरामद गरिएको छ । जिल्लाको कैलारी गाउँपालिका-५ सडकपुरमा गोरु गाडामा ल्याउँदै गरेको अवस्थामा सालको गोलिया (५८.०३ क्युफिट) १ थान बरामद गरिएको हो ।
इलाका प्रहरी कार्यालय हसुलियाबाट खटिएको गस्ती टोलीले अवैध काठसहित गोरु गाडालाई आज बिहान नियन्त्रणमा लिएको बताएको छ । बरामद काठसहित गोरु गाडालाई आवश्यक कारबाहीको लागि सब डिभिजन वन कार्यालय वसन्ताको जिम्मा लगाउने पहल भइरहेको प्रहरीले जनाएको छ ।