अत्तरिया- कैलालीमा सजाय नभोगी फरार रहेका दुई प्रतिवादी पक्राउ परेका छन् । जिल्ला अदालत कैलालीको विभिन्न मितिको फैसलाले जरिवाना ठहर भई फरार रहेका दुई जना मंगलवार पक्राउ परेका हुन् ।
पक्राउ पर्नेमा सवारी ज्यान मुद्दामा २ हजार जरिवाना ठहर भएका धनगढी उपमहानगरपालिका-५ बस्ने रोशन पन्त र वन ज्यान मुद्दामा ३४ हजार ८७४ रुपैयाँ जरिवाना ठहर भएका लम्कीचुहा नगरपालिका-१ बस्ने जनक हमाल रहेका छन् ।
उनीहरुलाई जिल्ला प्रहरी कार्यालय कैलाली तथा मातहत प्रहरी कार्यालयबाट खटिएको प्रहरी टोलीले पक्राउ गरेको बताएको छ । दुबै जनालाई पक्राउ गरी अदालत पेश गरिएको प्रदेश प्रहरीले जनाएको छ ।
