अत्तरिया- कञ्चनपुरको एक गोठमा आगलागी भएको छ । जिल्लाको वेदकोट नगरपालिका-५ पोलखरी बस्ने जयराज पन्तको गाई गोठमा आगलागी भएको हो ।
प्रहरीका अनुसार आगलागीबाट गोठमा रहेको एउटा गाई जलेर घाइते भएको र एउटा बाच्छी मरेको छ । गोठभित्र रहेका सामानहरु समेत गरी अन्दाजी २ लाख ५० हजार रुपैयाँ बराबरको धनमाल जलेर नष्ट भएको छ ।
प्रहरी, स्थानीय र दमकलको सहयोगमा आगलागी नियन्त्रणमा लिइएको प्रदेश प्रहरी कार्यालय धनगढीले जनाएको छ । प्रहरीले आवश्यक अनुसन्धान गरिरहेको जनाएको छ ।
