कैलाली- कैलालीमा ४ जना लागुऔषधसहित पक्राउ परेका छन् । धनगढी उपमहानगरपालिका-८ बुद्धचोकस्थित जनआवाज नजिकबाट कैलारी गाउँपालिका-८ बस्ने २४ वर्षीय सन्जु चौधरीसहित तीन जना सोमवार साँझ पक्राउ परेका हुन् ।
उनीहरुलाई आफू बस्ने कोठामा चामलको बोराभित्र लुकाएर राखेको अवस्थामा २ ग्राम ५७० मिलिग्राम लागुऔषध (खैरो हिरोइन)सहित पक्राउ गरिएको जिल्ला प्रहरी कार्यालय कैलालीले जनाएको छ ।
त्यस्तै घोडाघोडी नगरपालिका-१० बाट १०० मिलिग्राम लागूऔषध (खैरो हिरोइन)सहित गौरीगंगा नगरपालिका-९ शंकरपुर बस्ने २८ वर्षीय अनिलबहादुर भुललाई सोमवार राति इलाका प्रहरी सुखडबाट खटिएको टोलीले पक्राउ गरेको हो । यस सम्बन्धमा प्रहरीले थप अनुसन्धान गरिरहेको जनाएको छ ।
