बैतडी – बैतडीमा लागू औषधसहित एकजना पक्राउ परेका छन् । पक्राउ पर्नेमा जिल्लाको दशरथचन्द नगरपालिका– ४ का २४ बर्षीय सन्तोष टमाटा रहेका छन ।
उनलाई जिल्ला प्रहरी कार्यालयबाट खटिएको प्रहरी टोलीले गोप्य सूचनाको आधारमा नगरपालिकाकै वडा नं. ६ थालिगडाबाट आइतबार साँझ पक्राउ गरेको हो । पक्राउ परेका टमाटाको साथबाट ६० मिलिग्राम लागू औषध खैरो हेरोइन बरामद गरिएको जिल्ला प्रहरी कार्यालयका निमित्त प्रमुख प्रहरी निरीक्षक नन्दराज जोशीले जानकारी दिए ।
मोबाइलको पछाडीपट्टीको खोलमा कागजको ५ ओटा पुडिया बनाइ लुकाइराखेको अवस्थामा खैरो हेरोइनसहित टमाटालाई पक्राउ गरिएको उनले बताए । । पक्राउ परेका टमाटामाथि अनुसन्धान भइरहेको प्रहरीले जनाएको छ ।
