महेन्द्रनगर – कञ्चनपुरको भीमदत्त नगरपालिका – २ उल्टाखाममा २ जनालाई घाइते बनाएर ट्याक्टर फरार भएको छ । शुक्रबार राती मोटरसाइकलमा सवार २ जनालाई ठक्कर दिएर ट्याक्टर फरार भएको हो ।
दुर्घटनामा कञ्चनपुरको भीमदत्त नगरपालिका – १९ बागफाँटाका २६ वर्षिय महेश सिह कार्की र मोटरसाईकल पछाडि सवार १५ वर्षका विराट कार्की घाईते भएका छन । हरियो रंगको नम्बर खुल्न नसकेको ट्याक्टरले शुक्रबार राती साढे १० बजेतिर ठक्कर दिएको घाइतेले बताएका छ ।
उनीहरुका अनुसार म २ प ३५३८ नम्बरको मोटरसाईकललाई थ्रेसर बोकेर गईरहेको ट्याक्टरले ठक्कर दिएको थियो ।
घाइते महेशको खट्टुा तीन ठाउँमा भाँचिएको छ भने उनको दाँया हात पनि भाँचिएको छ । पछाडि बसेका विराट कार्कीको पनि दायाँ हात भाँचिएको आफन्त कासी सिह विष्टले बताएका छन । घाईते दुबैजनालाई सेती प्रादेशीक अस्पताल धनगढीमा भर्ना गरिएको छ ।