विराटनगर- सुनसरीको हरिनगर गाउँपालिका–१ भुटाहामा दुई समूहबीच झडप भएपछि प्रहरीले ६ राउण्ड हवाई फायर गरेको छ । एक युवकलाई निर्घात कुटपिट गरेको घटनाले उग्ररूप लिएपछि ६ राउण्ड हवाई फायर गरिएको कोशी प्रदेश प्रहरी प्रवक्ता प्रहरी उपरीक्षक दीपक सिग्देलले बताए ।
प्रहरीले ११ राउण्ड अश्रुग्याँस पनि प्रहार गरेको छ भने स्थानीय प्रशासनले अनिश्चितकालीन निषेधाज्ञा जारी गरेको छ । झडपमा अन्य चार जना सामान्य घाइते भएका र उनीहरुलाई उपचारका लागि विराटनगर ल्याइएको बताइएको छ ।
