अत्तरिया- कञ्चनपुरमा जमिन सम्बन्धी मुद्दामा फरार रहेका ३ जना प्रतिवादी पक्राउ परेका छन् । जिल्लाको दोधारा चाँदनी नगरपालिका-३ जमुनाघारीका बहादुरे चौक्याल, जयमती चौक्याल र लक्ष्मण चौक्याल मंगलबार पक्राउ परेका हुन् ।
प्रहरीका अनुसार उनीहरुलाई जिल्ला अदालत कञ्चनपुरले २०५९ माघ ८ गते जनही १ हजार रुपैयाँ जरिबाना सुनाएको थियो । इलाका प्रहरी कार्यालय दोधारा चाँदनीको टोलीले पक्राउ गरी तीनै जनालाई जिल्ला अदालत कञ्चनपुर पेश गरेको प्रदेश प्रहरी कार्यालय धनगढीले जनाएको छ ।
