अत्तरिया – कैलालीको गोदावरी नगरपालिका– ८ मा हरिनगरमा रहेको समैजी खानेपानी उपभोक्ता तथा सरसफाई समितिको नयाँ कार्यसमिति चयन भएको छ । शनिबार सम्पन्न संस्थाको पहिलो वार्षिक साधारण सभाबाट ईन्द्र बहादुर रावतको अध्यक्षतामा ९ सदस्यीय नयाँ कार्यसमिति चयन भएको हो ।
कार्यसमितिको उपाध्यक्षमा कमला नेपाली, सचिवमा रमेश बोगटी र कोषाध्यक्षमा कलावती डगौरा चयन भएका छन । यसैगरी सदस्यहरुमा दान बहादुर बोगटी, लक्ष्मिदत्त जोशी, तुल्छी चौधरी र रमेश कुमार बि.क रहेका छन । सदस्यमा एक जना महिला सदस्य पछि मनोनित गरिने बताईएको छ ।
भरखरै निर्माण सम्पन्न भएको खानेपानीको ट्यांकीको शनिबार एक औपचारीक कार्यक्रमका बिच मुख्यमन्त्री कमल बहादुर शाहले उद्घाटन गरेका थिए । निर्माण समितिका अध्यक्ष शेर बहादुर बोगटीको सभापतित्वमा आयोजित कार्यक्रममा विभिन्न संघसंस्थाका प्रतिनिधिहरुको सहभागिता रहेको थियो ।