अत्तरिया- धनगढीमा एक फरार प्रतिवादी पक्राउ परेका छन् । धनगढी उपमहानगरपालिका-१५ उर्माका ३५ वर्षीय कुबेर चौधरी बुधबार पक्राउ परेका हुन् ।
प्रहरीका अनुसार उनलाई जिल्ला अदालत कैलालीको फैसलाले बहुविवाह मुद्दामा ११ महिना १२ दिन कैद सजाय र १० हजार रुपैयाँ जरिवाना सुनाएको थियो ।
चौधरीलाई सुदूरपश्चिम प्रदेश प्रहरी कार्यालय धनगढी र प्रहरी चौकी कनरी, कैलालीबाट संयुक्त रुपमा खटिएको प्रहरी टोलीले ट्राफिक चोकबाट पक्राउ गरेको बताएको छ । उनलाई अदालत पेश गरिएको छ ।
