अत्तरिया- कञ्चनपुरको बेलौरीबाट दुई महिला पक्राउ परेका छन् । पक्राउ पर्नेमा बेलौरी नगरपालिका-४ शन्तिपुरकी ४८ वर्षीया प्रेमसागर कुमारी राना र २२ वर्षीया सिर्जना राना रहेका छन् ।
प्रदेश प्रहरी कार्यालय धनगढीका अनुसार उनीहरुलाई शन्तिपुरबाटै अवैध लागुऔषध चरेस जस्तो देखिने पदार्थ ९२ ग्राम ७१ मिलिग्रामसहित बिहीबार दिउँसो इलाका प्रहरी कार्यालय बेलौरीबाट खटिएको प्रहरीले पक्राउ गरेको हो ।
प्रहरीले प्रेमसागर कुमारीको घरको आँगनबाट उक्त पदार्थ फेला पारी दुवै जनालाई पक्राउ गरेको बताइको छ । यस सम्बन्धमा प्रहरीले आवश्यक अनुसन्धान गरिरहेको जनाएको छ ।
