बैतडी- बैतडीको पुर्चौंडी नगरपालिका–३ गैरागाउँका ४६ वर्षीय नरबहादुर बोहरा मृत अवस्थामा भेटिएका छन् । गत फागुन १९ गतेदेखि हराइरहेका बोहरा बुधवार नौलीगाड भन्ने स्थानमा मृत फेला परेका हुन् ।
जिल्ला प्रहरी कार्यालय बैतडीका प्रवक्ता प्रहरी निरीक्षक नन्दराज जोशीका अनुसार स्थानीयले बोहरालाई मृत फेला पारेपछि प्रहरीलाई खबर गरेका थिए ।
मानसिक अवस्था ठिक नभएका उनी गत फागुन १९ गते पसल जान्छुँ भनी हिँडेकामा हिजो मृत फेला परेका हुन् । घटनाका विषयमा थप अनुसन्धान भइरहेको प्रहरी निरीक्षक जोशीले बताए ।
