अत्तरिया- अत्तरियास्थित पहाड रोडबाट एक युवकसहित कैलालीका ४ जना पक्राउ परेका छन् । अत्तरियासहित जिल्लाका विभिन्न स्थानबाट लागुऔषधसहित ४ जना पक्राउ परेका हुन् ।
गोदावरी नगरपालिका-२ अत्तरियास्थित पहाड जाने रोडबाट ४० मिलिग्राम लागुऔषध खैरो हिरोइन जस्तो देखिने धुलो पदार्थसहित गोदावरी-११ बस्ने २५ वर्षीय मनोज बडैलालाई इलाका प्रहरी कार्यालय मालाखेतीबाट खटिएको टोलीले पक्राउ गरेको हो ।
लम्कीचुहा नगरपालिका-१ लम्की चोकबाट ४ ग्राम ५५० मिलिग्राम लागुऔषध खैरो हिरोइन जस्तो देखिने धुलो पदार्थसहित सोही ठाउँ बस्ने ३० वर्षीय दिनेश साँउद, २१ वर्षीय जनक विक र लम्कीचुहा-१ टीकापुर रोडबाट ८२० मिलिग्राम सोही पदार्थसहित सोही ठाउँका ३० वर्षीय प्रकाश विक सोमवारर राती पक्राउ परेका हुन् ।
उनीहरुलाई इलाका प्रहरी कार्यालय लम्की, कैलालीबाट खटिएको प्रहरी टोलीले पक्राउ गरेको बताएको छ ।