अत्तरिया- धनगढीमा वन मुद्दाका २ जना फरार प्रतिवादी पक्राउ परेका छन् । जिल्ला अदालत कैलालीको विभिन्न मितिको फैसलाले कैद सजाय र जरिवाना ठहर भई फरार रहेका २ जना सोमवार पक्राउ परेका हुन् ।
प्रदेश प्रहरी कार्यालय धनगढीका अनुसार वन मुद्दामा ६ महिना कैद सजाय र ३ हजार ६७५ रुपैयाँ जरिवाना ठहर भएका धनगढी उपमहानगरपालिका-१० बस्ने कल्लु राना र सोही मुद्दामा ४६ हजार ९१६ रुपैयाँ जरिवाना ठहर भएका धनगढी-६ बस्ने दीर्घ चौधरी रहेका छन् ।
जिल्ला प्रहरी कार्यालय कैलाली तथा मातहत प्रहरी इकाइहरुबाट खटिएको प्रहरी टोलीले उनीहरुलाई पक्राउ गरेको बताइएको छ ।
