काठमाडौँ- जनकपुरधामको सिटी स्टार फैमली होटेलमा बेहोस पाइएकी युवतीको मृत्यु भएको छ । प्रहरीका अनुसार आज बिहान पोखराकी अन्दाजी २७ वर्षीया खुसखु सुनार बेहोस अवस्थामा पाइएकी थिइन् ।
उनको प्रादेशिक अस्पताल जनकपुरमा मृत्यु भएको जिल्ला प्रहरी कार्यालय धनुषाका प्रवक्ता डिएसपी रञ्जन अवाले बताए । उनको मृत्युपछि होटेलमा सँगै बसेका दुई युवक भने फरार छन् । सँगै बसेको भनिएका उनीहरुको खोजी गरिरहेको र घटनाका विषयमा थप अनुसन्धान भइरहेको डिएसपी अवाले बताए ।
