अत्तरिया – राष्ट्रिय आविष्कार केन्द्रका संस्थापक डाक्टर महावीर पुन कैलालीको अत्तरियामा पुगेका छन् । आत्मकथामा आधारित पुस्तक ‘महावीर पुन’ बिक्री गर्ने क्रममा उनी आइतबार अत्तरियामा पुगेका हुन ।
बैतडीबाट महेन्द्रनगर जाने क्रममा अत्तरियामा केही समय किताब बिक्री गरेका पुन पुनः मंगलबार अत्तरियामा आउने कार्यक्रम रहेको छ ।
राष्ट्रिय आविष्कार केन्द्रको सहयोगार्थ पुस्तक बिक्रीका लागि पूर्वपश्चिम महाअभियानमा निस्किएका पुनले वीरगञ्ज कृषि औजार कारखाना सञ्चालनका निमित्त सहयोग जुटाउने पुस्तक बिक्री गर्न लागेका बताएका छन ।
उनले आत्मकथामा आधारित पुस्तक ‘महावीर पुन’ पुस्तक ७५० मा बिक्री गर्दै आइरहेका छन । उनले हालसम्म ३४ हजार पुस्तक बिक्री भइसकेको बताए । उनले २७ दिन अघि काठमाण्डौं देखि पुस्तक बिक्री अभियान सुरु गरेका थिए ।
उनले अपेक्षा अनुसार नै पुस्तक बिक्री भएको बताए । ५० हजार पुस्तक छपाई भइरहेको उनले बताए ।
