धनगढी- कैलालीको घोडाघोडी नगरपालिकाको कार्यालयमा स्थानीयले ताला लगाएका छन् । वडा नम्बर ४ का स्थानीयले तीन बुँदे मागसहित वडा कार्यालय र नगरपालिकाको कार्यालयमा ताला लगाएका बताइएको छ ।
वडा नम्बर ४ को सिमथरी चोकदेखि गैडाखेडासम्म कालोपत्र सडक, टेङ्गना नदीमा तटबन्ध र नदीजन्य पदार्थ सङ्कलनको ठेक्का पाएको कम्पनीले मनोमानी शुल्क लिएको भन्दै वडाका नागरिक आन्दोलित भएका हुन् ।
