अत्तरिया – कैलालीको गोदावरी नगरपालिकाले आह्वान गरेको लोगो निर्माण गर्ने सूचनामा १७ जनाले आवेदन दिएका छन । नगरपालिकाले मंसिर ४ गते सूचना जारी गरेर नगरपालिकाको लोगो पेश गर्न ३० दिने सूचना जारी गरेको थियो ।
जसमा १७ जनाले लोगो बनाएर नगरपालिकामा पेश गरेको नगरपालिकाका सूचना प्रविधि अधिकृत मनोज धामीले बताए ।
उनले उत्कृष्ट लोगो छनोटका लागि ४ जनाको समिति गठन गरिएको र, समितिले सिफारीस गरेको लोगो कार्यपालिका बैठकमा पेश गरिने बताए । उनले समितिको व्यस्तताका कारण लोगो छनोटमा ढिलाई भएको बताए ।
नगरपालिकाले उत्कृष्ट लोगोलाई ५१ हजार दिने जनाएको थियो । लोगोमा ऐतिहासिक, भौगोलिक, प्राकृतिक, सामाजिक, सांस्कृतिक एवम् विशिष्ट मौलिक पहिचान झल्किने प्रतिक चिन्ह हुनेपर्ने उल्लेख छ ।
