धनगढी- कैलालीको धनगढीमा विद्यालय स्तरीय फुटबल प्रतियोगिता हुने भएको छ । लिटल फ्लावर स्पोर्ट्स क्लब धनगढीले श्री कलेज धनगढी फुटबल लिग (श्री कलेज डिएफएल–२) २०८० को आयोजना गर्ने भएको हो ।
फागुनको दोस्रो हप्तादेखि प्रतियोगिता गर्ने गरी तयारी गरिएको क्लबका अध्यक्ष रामचन्द्र शाहीले बताए । कक्षा १२ सम्म सञ्चालित विद्यालयहरूले प्रतियोगितामा सहभागी हुन पाउनेछन् । प्रतियोगिताको विजेता, उपविजेता एवं उत्कृष्ट विधाका खेलाडीहरूलाई नगद पुरस्कारसहित ट्रफि, मेडल र प्रमाणपत्र प्रदान गरिने छ ।
प्रतियोगितामा सहभागी हुन चाहने (कक्षा१२ सम्मका) विद्यालयहरूलाई यही पुस २० गतेभित्र टिम दर्ता गराउन भनिएको छ । प्रतियोगिताको मिति र पुरस्कार राशि केही दिनमा घोषणा गर्ने तयारी भइरहेको जनाइएको छ ।
