कास्की- पोखरामा कारको ठक्करबाट दुई जना पैदलयात्रीको मृत्यु भएको छ । प्रहरीका अनुसार मृत्यु हुनेमा बाग्लुङ ढोरपाटन घर भई पोखरा-३ नदीपुर बस्ने २० वर्षीय ढालेन्द्र छन्त्याल र पहिचान खुल्न बाँकी रहेका अन्दाजी ३५ वर्षका पुरुष रहेका छन् ।
गएराति पोखरा-५ पर्स्याङमा बा १३ च ३७२१ नम्बरको कारको ठक्करबाट घाइते भएका दुवैजनाको अस्पतालमा मृत्यु भएको प्रहरीले बताएको छ । कार चालक फरार रहेका र कारलाई नियन्त्रणमा लिइएको प्रहरीले जनाएको छ ।
