अत्तरिया – कैलालीको धनगढीबाट लागूऔषध सहित गोदावरीका २ युुवक पक्राउ परेका छन । धनगढी उपमहानगरपालिका–३ मिलनचोकबाट ५२० मिलिग्राम लागूऔषध खैरो हेरोईनसहित गोदावरी नगरपालिका–२ का १९ वर्षीय आरिक अन्सारी र गोदावरी नगरपालिका–३ का २२ वर्षीय योगेन्द्र जोशी पक्राउ परेका हुन ।
सोमवार लागूऔषध नियन्त्रण ब्यूरो शाखा कार्यालय महेन्द्रनगरबाट खटिएको प्रहरी टोलीले चेकजाँच गर्दा उनीहरुको साथबाट लागूऔषध फेला पारेको प्रदेश प्रहरी कार्यालय धनगढीले जनाएको छ।
