काठमाडौँ- प्रधानमन्त्री कप महिला टी–२० राष्ट्रिय क्रिकेट प्रतियोगितामा सुदूरपश्चिम प्रदेशले बागमती प्रदेशलाई ६ विकेटले पराजित गरेको छ । आज भएको खेलमा सुदूरपश्चिमले बाग्मतीलाई ६ विकेटले पराजित गरेको हो ।
बाग्मतीले दिएको ८८ रनको लक्ष्य सुदूरपश्चिमले १९ ओभरमा ४ विकेट गुमाएर भेटायो । सुदूरपश्चिमका लागि विन्दु रावलले २८ र कविता जोशीले नट आउट २७ रन बनाइन् । बलिङतर्फ बाग्मतीकी अस्मिना कर्माचार्य र सोनी पाख्रिनले समान १ विकेट लिइन् ।
यसअघि कीर्तिपुरको त्रिवि क्रिकेट मैदानमा टस जितेर ब्याटिङ गरेको बाग्मतीले निर्धारित २० ओभरमा ८ विकेट गुमाएर ८७ रन बनायो । बाग्मतीका लागि कञ्चन श्रेष्ठले १९ र हेलिशा गुरुङले १६ रन बनाइन् । बलिङतर्फ सुदूरपश्चिमकी लक्ष्मी साउद र कविता जोशीले समान २ विकेट लिइन् ।
यो जितसँगै सुदूरपश्चिम ४ खेलमा ६ अङ्कसहित तालिकाको तेस्रो स्थानमा छ । ४ खेलमा ४ अङ्क भएको बाग्मती चौथो स्थानमा छ ।
