मोरङ- कोशी प्रदेशका दुई जिल्लामा दुई जना मृत फेला परेका छन् । हिजो मोरङ र धनकुटामा एक पुरुष र एक महिला मृत फेला परेका हुन् ।
मोरङको विराटनगर महानगरपालिका–५ कोचाखाल चोक डेरामा बस्ने भोजपुर नगरपालिका–७ पोखरे लाइनका ७० वर्षीय सम्बर बहादुर श्रेष्ठ आफ्नै कोठामा मृत अवस्थामा फेला परेका छन् ।
त्यस्तै, धनकुटाको धनकुटा नगरपालिका–९ बेलहारा बेसीकी ७४ वर्षीया ईन्द्र कुमारी राई सोही ठाउँको तमोर नदी किनारामा मृत फेला परेकी छिन् । दुवै घटनामा आवश्यक अनुसन्धान प्रक्रिया सुरु भएको नेपाल प्रहरीले जनाएको छ ।
