अत्तरिया – कैलालीको चैतन्यपुरमा धार्मिक ज्ञान विज्ञान सप्ताह महायज्ञ लाग्ने भएको छ । गोदावरी नगरपालिका वडा नम्बर १ चैतन्यपुर स्थित नवदुर्गा भगवति मन्दिरमा सप्ताह ज्ञान महायज्ञ लाग्ने भएको हो ।
शनिबारपत्रकार सम्मेलनको आयोजना गर्दै यहि पौष २० गते देखि २६ गते गतेसम्म ज्ञान विज्ञान सप्ताह महायज्ञ लाग्ने आयोजक नवदुर्गा भगवति मन्दिर व्यवस्थापन समितिले जनाएको छ ।
मन्दिरको स्तरोन्ती, सनातन संस्कृतिको संरक्षण तथा पर्यटकिय स्थल निर्माणका लागि महायज्ञ लगाउन थालिएको महायज्ञ व्यवस्थापन समितिका संयोजक मान बहादुर बलायरले बताए ।
महायज्ञ सफलता पुर्वक सम्पन्न गर्नका लागि विभिन्न समितिहरु निर्माण गरिएको उनले बताए ।
महायज्ञमा प्रवचन अच्युत शरण महाराजले गर्नेछन् । मन्दिरको उक्त प्रयासलाई सफल पार्न सक्दो सहयोग गर्न आग्रह गरे । यसैबीच मन्दिर परिसरमा रहेको भवनमा महायज्ञ व्यवस्थापन समितिको सचिवालयको स्थापना गरिएको छ ।
