कैलाली- कैलालीको चुरेमा भलिबल प्रतियोगिता हुने भएको छ । चुरे गाउँपालिका-१ घरखेडा, गाउँपालिकाको कार्यालय रहेको ठाउँमा भलिबल प्रतियोगिता हुने भएको हो ।
बसर युवा क्लबले खुल्ला भलिबल प्रतियोगिता आयोजना गर्न लागेको हो । चुरे क्षेत्रको सर्वाधिक धनराशीको सुदूरपश्चिम प्रदेशस्तरीय खुल्ला भलिबल प्रतियोगिता “चुरे कप २०८०” आयोजना गर्न लागेको आयोजकले जनाएको छ । प्रतियोगितामा मिलन युवा क्लब र चुरे गाउँपालिकाको प्रमुख सहकार्य तथा बडीकेदार निर्माण सेवा प्रायोजक रहेको आयोजकले जनाएको छ ।
प्रतियोगिताको विजेता समूहले नगद ५० हजारसहित मेडल र ट्रफी पुरस्कार पाउनेछ । उप–विजेताले २० हजार नगद र तृतीय हुनेले १० हजारसहित प्रमाणपत्र, मेडल र ट्रफी पाउने आयोजकले बताएको छ । मङ्सिर २३ गतेदेखि प्रतियोगिता सुरु हुनेछ ।
