धनगढी – सुदूरपश्चिम सरकारले आयोजना गर्न लागेको लगानी र विकास सम्मेलनको उत्कृष्ट लोगो बनाउनेलाई पुस्कृत गर्ने भएको छ । फागुन २३ र २४ गते आयोजना गर्न लागिएको सम्मेलनको उत्कृष्ट लोगो तयार गनेलाई २५ हजार ५५५ रुपैयाँले पुरस्कृत गर्ने भएको हो ।
प्रदेशको आर्थिक मामिला मन्त्रालयले एक सूचना सार्वजनिक गर्दै लोगो निर्माणका लागि प्रतियोगिता गर्न लागेको बताएको छ । सूचनामा भनिएको छ, ‘सम्मेलनका लागि प्रयोग हुने लोगो तयार गर्न लोगो डिजाइन प्रतियोगिता आयोजना गरिएको छ ।
प्रतियोगितामा भाग लिन इच्छुक नेपाली नागरिक वा संस्थाले सूचना प्रकाशित भएको मितिले सात दिनभित्र आवश्यक कागजातसहित सुदूरपश्चिम प्रदेश लगानी तथा विकास सम्मेलन २०८० को सचिवालयमा पठाउन हुन अनुरोध छ ।’
