टीकापुर – कैलालीको कैलारी गाउँपालिकामा कार्यरत सव–ओभरसयर अझै फेला परेका छैनन् । एक हप्ता अघि कैलालीको टीकापुर पार्कस्थित कर्णाली नदीमा नुहाउने क्रममा बेपत्ता भएका गाउँपालिकामा कार्यरत सव–ओभरसियर विशेष चौधरी अझै फेला नपरेका हुन ।
गौरीगंगा नगरपालिका वडा नम्बर ८ बढैपुरका चौधरी कर्णाली नदीमा डुबेर बेपत्ता भएका थिए । आफन्त, प्रहरी, सशस्त्र प्रहरी, स्थानीयहरूले एक सातादेखि चौधरीको खोज तलास गर्दै आएका छन् ।
इलाका प्रहरी कार्यालय, टीकापुरका अनुसार उनी कार्तिक २५ गते कर्णालीमा बेपत्ता भएका हुन् ।
साथीहरुसँगै टीकापुर पार्क घुम्न गएका उनी कर्णाली नदीमा पौडी खेल्न गएका थिए । सोही क्रममा उनी डुबेर बेपत्ता भएका प्रहरीले बताएको छ ।
